Emakumeen sexualitatearen alderdi komikoa, Campos Eliseosen

Bilboko Campos Elíseos antzokiak Lo que ellos ignoran de ellas (goodsex, goog day) ikuskizunarekin ospatuko du Emakumeen Nazioarteko Eguna. Emakumeen sexualitatearen inguruko komedia da, eta ''''emakume bat intimitatean tratatzeko modu egokia'''' azaldu nahi du. Lan honetako protagonistaren hitzetan, ''''egun berezi horretarako pertsona egokia bilatu behar da, baina norberak askotan ez du lagunek gustuko duten gizona aukeratzen''''.

Yolanda García Serranok idatzi eta zuzendu du lana. 2008an New Yorkeko Off Broadway jaialdian estreinatu zuen, eta Estatu Batuetako hiri ezagunean antzezlana estreinatu duen Espainiako lehen emakumezkoa da Yolanda. Garcia Serranoren arrakasta, dena den, ez da berria geurean: zinema eta telebista arloan arrakasta handiko lanak idatzi ditu: Todos los hombres sois iguales (gidoi onaren Goya saria), ¿Por qué le llaman amor cuando quieren decir sexo?, De qué se ríen las mujeres, El sexo perjudica seriamente la salud eta Entre piernas pelikulak idatzi ditu, eta zuzendari lanetan aritu da ''''Raquel busca su sitio'''' telesailean, Kilómetrocero eta Hasta aquí hemos llegado pelikuletan eta Qué asco de amor y Lo que ellos ignoran de ellas antzezlanetan.

Bilbora iritsi da, Idoia Merodio, Itziar Urretabizkaia eta Vito Rogado aktore euskaldunen eskutik (emanaldietako batean&' || 'nbsp;Susana Soleto arituko da Vito Rogadoren tokian). Emanaldiak martxoaren 8an, 11n, 12an eta 13an izango dira, eta 11ko eta 12ko hitzorduak emakumeei bakarrik egongo dira zuzenduta. Bertan ''''tupper sex'''''' saioa egongo da, La maleta roja taldearen eskutik.