Musika
Jaialdiak
Patti Smith eta Elvis Costello Heineken Jazzaldian izango dira
Erredakzioa
George Benson, Archie Shepp, Ron Carter, Jessye Norman¡ eta Kris Kristofferson, besteak beste, konfirmatu dituzte gaur antolatzaileek.
Donostiako Heineken Jazzaldiak hainbat talde eta bakarlari konfirmatu ditu gaur. George Benson, Archie Shepp, Ron Carter, Jessye Norman, Patti Smith, Kris Kristofferson eta Elvis Costello dira antolatzaileek konfirmatu dituzten izenak.
45. Jazzaldia uztailaren 21eta 25 bitartean izango da Gipuzkoako hiriburuko hainbat espaziotan.
Jaialdiaren egitarau osoa apirilaren 15ean jakinaraziko da eta sarrerrak apirilaren 19tik aurrera erosi ahal izango dira Kutxa.net, Servikutxa eta Telekutxan zein Victoria Eugenia Antzokiko leihatilan.
Trinitate Enparantzako eta Victoria Eugenia Antzokiko kontzertuetara joateko sarrera ordaindu beharko da, aurreko edizioetan bezala, eta terrazak eta Zurriola hondartza doaneko kontzertuen eremuak izango dira.
