Beñat Ugartetxea, irabazle Bizkaiko Txapelketako azken kanporaketan

Beñat Ugartetxeak irabazi zuen atzo Getxon egin zuten Bizkaiko Bertsolari Txapelketako bosgarren kanporaketa. Gorka Ostolaza, Olatz Ibarluzea, Eneko Arrate eta Eñaut Uruburu bertsolariekin ibili zen lehian, eta, guztira, 392 puntu lortu zituen Ugartetxeak.

Hauxe da Getxoko puntuazioa:
1 Beñat Ugartetxea 392
2 Gorka Lazkano 377
3 Eñaut Uruburu 344
4 Ion Barrocal 339
5 Eneko Arrate 335
6 Olatz Ibarluzea 301

350 lagun bildu ziren Erromoko Gobela kiroldegian, eta Zuriñe Iarritu aritu zen gai-jartzaile lanetan. Epaileak Mirari Azula, Jurgi Fuentes, Iñigo Gojenola, Josu Telleria, Gorka Intxaurbe eta Ainhoa Munitxa izan ziren. Idazkaria, aldiz, Miren Itziar Basterretxea.

Atzoko saioa irabazita, zuzenean lortu du hurrengo faserako txartela Ugartetxeak. Bosgarren eta azken kanporaketa hau bukatuta, badakigu zeintzuk diren finalaurrekoetan abestuko duten 18 bertsolariak:

Amuriza zuzenean pasatuko da, eta orain urte biko bost finalistak ere han izango dira:
Arkaitz Estiballes
Onintza Enbeita
Etxahun Lekue
Fredi Paia
Iratxe Ibarra

Kanporaketa saioetako irabazleak hauexek dira:
Oihana Bartra (Mungiako irabazlea)
Jone Uria (Balmasedako irabazlea)
Ibon Ajuria (Aulestiko irabazlea)
Miren Amuriza (Igorreko irabazlea)
Beñat Ugartetxea(Getxoko irabazlea)

Puntuazioaren arabera sailkatutakoak, berriz, honako hauek:
Gorka Ostolaza 400
Arrate Illaro 392,5
Peio Ormazabal 392
Gorka Lazkano 377
Xabier Enbeita 370,5
Eneko Abasolo 365,5
Xabat Galletebeitia 364,5
Joseba Artza 363

Iparraldeko bertsolari txapelketaren final handia, datorren larunbatean

Hilaren 13an jokatuko da Zuberoa, Lapurdi eta Nafarroa Behereko 2010eko Bertsolari Txapelketako final handia. Donibane Lohizuneko Jai Alai pilotalekuan izango da, arratsaldeko 17:00etan.

Amets Arzallus, Eneritz Zabaleta, Sustrai Colina, Odei Barroso, Miren Artetxe, Ekhi Erremundegi, Joanes Etxebarria eta Xumai Murua ibikliko dira bertan lehian, eta Mixel Itzainak jantziko dio txapela larunbateko saioko irabazleari.

Sarrerak salgai daude xilaba.net atarian, eta ohiko salmenta puntuetan: Zuberoan: Herri ekoizpena (Maule); Lapurdin: Elkar Megadenda (Baiona), Xuriatea (Hazparne), Krakada Bixkotxetegia (Itsasu), Tana (Ziburu), Xoko Ona (Azkaine), Xaia (Pausu); eta&' || 'nbsp; Nafarroa Beherean: Kalaka (Donibane Garazi).