kultura
'Saga' operazioa
Epaileak aske utzi du SGAEko zuzendari ekonomikoa, fidantzarik gabe
Erredakzioa
Enrique Loras zuzendari nagusiak eta Teddy Bautista presidenteak ere dagoeneko deklaratu dute. Ruzek beste bi pertsonari galdeketa egingo die arratsaldean eta gainontzeko lauei, berriz, astelehenean.
-
Poliziak, SGAEren atarian. Irudia: EFE
Pablo Ruz Auzitegi Nazionaleko epaileak aske utzi du, fidantzarik gabe, Ricardo Azcoaga SGAEko finantza eta ekonomia zuzendaria. Horixe da auzia gertutik jarratzen duten iturriak Eurpa Press albiste agentziari jakitera eman diona.
Auzitegi Nazionaleko Pablo Ruz epailearen aurrean izan dira ostiralean Guardia Zibilak atxilotutako SGAEko hiru buruzagiak tartean, Eduardo Bautista SGAEko presidentea. Ruzek Enrique Losa zuzendari orokorrari eta Ricardo Azcoaga finantza-zuzendariari galdeketa egin die eta kautelazko neurriak jarriko dizkien erabaki beharko du. Guardia Zibilak jakitera eman duenez, gainontzeko sei atxilotuek astelehenean deklaratuko dute.
"Errugabetasun presuntzioa aintzat hartu behar da"
Angeles Gonzalez-Sinde Kultura ministroak "begirunea" eskatu du SGAEren gaineko Auzitegi Nazionalaren ikerkuntzaren gainean. Gonzalez-Sindek azpimarratu duenez, "gertatutakoa argitu dezaten, funtsezkoa da ikerkuntzak aurrera egitea". Hori dela eta, "epaileek hartutako erabakiei erabateko begirunea" diela baieztatu du.
Halaber, ministroak gaineratu duenez, Kultura Ministerioak "erakunde honen sortzaileen interesen alde egingo du, horren kudeatzaileak nortzuk diren alde batera utzita". Hala ere, "errugabetasun presuntzioa aintzat hartu behar" dela nabarmendu du.
Bestalde, Guardia Zibila egiten ari den operazioa baloratzea saihestu du Alfredo Perez Rubalcaba presidenteordeak eta agenteek epailearen aginduak betetzen dituztela gogorarazi du.
Bederatzi atxilotu
Guardia Zibilak SGAEren egoitza miatu du ostirala honetan, 14 orduz, Ustelkeriaren kontrako Fiskaltzak hala aginduta. Ondorioz, bederatzi lagun atxilotu ditu tartean, Teddy Bautista SGAEren presidentearekin batera, Ricardo Azcoagazuzendari finantzarioa eta Jose Neri sDae filial digitaleko zuzendarinagusia, bidegabeko jabetze delitu bat egin dutelakoan.
Atxilotuak Auzitegi Nazionaleko 5. epaitegiko epailearen esku utzi dituzte. Pablo Ruz epaitegi horren buruak SGAEren hainbat kontu blokeatzeko eta bahitzeko agindua ere eman du, iturri judizialek jakitera eman dutenez.
