Zinema
FANT
Fantrobia saria, Alex eta David Pastorrentzat
Erredakzioa
Zuzendari katalanek zine munduan izan duten hasiera ''azkarra'' saritu du Bilboko Zinemaldi Fantastikoak. Sundancen irabazi ondoren, 'Infectados' lana filmatu eta estreinatu dute Estatu Batuetan.
Bartzelonan jaioak, La ruta natural lanarekin lortu zuten Sundancen irabaztea: Nazioarteko film labur onenaren saria jaso zuen lanak, eta sariak Hollywoodeko ateak ireki zizkien. Sundanceko arrakastak lagunduta, Infectados film luzea egin zuten, Paramount Vantage etxearen laguntzarekin.
2009ko irailaren 4an estreinatu zuten filma Estatu Batuetako zinema-aretoetan, eta Stephen King idazlearen atentzioa ere lortu zuen lanak. ''Entertainmet Weekly'' aldizkarian bi zinemagileen lana goraipatzen zuen artikulua idatzi zuen Kingek (''''Infectados bezalako film onentzat leku gehiago egon beharko litzateke'''' esaten zuen idazleak bertan)
Sitgeseko Zine Fantastikoaren Nazioarteko Jaialdian aurkeztu zuten lana, eta gerora Espainian ere estreinatu da.
Urtero, zine fantastikoaren arloan azaleratzen diren egile berriak saritzen ditu FANT Bilboko Zinemaldi Fantastikoak Fantrobia sariarekin.
