'Zigortzaileak', superheroiak eskola jazarpenaren aurka

Erredakzioa

Azken eguneratzea: 2011/01/03 22:13 (UTC+1)

Haurrak protagonista direla euskaraz egin den lehen pelikula aurkeztu dute Bilbon, prentsaurrekoan. Urtarrilaren 5ean estreinatuko dute, Bilbo, Donostia eta Gasteizen.

Whatsapp
Whatsapp
telegram
twitt
Bidali
Esteka kopiatu

Bideoak (2)

Astelehen honetan aurkeztu dute Zigortzaileak, haurrak protagonista nagusi dituen filma, Bilbon egin duten prentsaurrekoan. Arantza Ibarrak idatzi du gidoia, eta zuzendari lanak ere berak egin ditu, Alfonso Arandiarekin batera. Urtarrilaren 5ean, Bilbo, Donostia eta Gasteizko zinema aretoetara iritsiko da.Film dibertigarri eta entretenigarriak bullyng-aren, eskola jazarpenaren, gaia du ardatz. Bizkaiko hainbat herritan egin zituzten filmatze lanak eta zazpi haur dira istorioko protagonista nagusi. Beste haur batzuen tratu txarrak jasateaz nazkatuta, hainbat umek talde sekretu bat sortuko dute haiei aurre egiteko.

Filmeko aktoreak aukeratzeko proba 1.200 haurrek baino gehiagok egin zuten, eta aktore ezagunak ere agertzen dira pelikulan: Anne Igartiburu, Carlos Sobera, Loli Astoreka, Xabier Elorriaga...

EITBren parte-hartzea eta Eusko Jaurlaritzaren diru laguntza izan ditu proiektu honek.