Devi joan egin da eta enkargu bat utzi dio Manuri

'El Conquistador del Fin del Mundo' saioaren bederatzigarren edizioko lehen kaleratua izan da Devi errioxarra. Dueluan bere borreroa izan zen Oskar, eta honi Piche taldearen sekretuak argitu zizkion. Ondoren, Patagoniatik joan zen. Peperen ahultasunaren eta Alexen eta Manuren artean dagoen harreman onaren berri eman zion. Oskarrek gogoan hartu zuen, eta dagoeneko, Juanitok badu bere aurkarietako baten ahulguneen berri.

Devik ez du odol askorik, edo hori erakutsi zuen behintzat dueluan. Despistatu aurpegia zuen, eta dirudienez, ez zuen Condor taldeko nafarrari irabazteko aukerarik ikusi. Inoiz ez zuela eskalatu eta inoiz ez zela soka batetik zintzilikatu esan zuen Oskarrek, baina desafioan ikusitakoaren arabera, gezurra esan zuen. Erraaztasun handiarekin irabazi zuen, eta askorentzat, abentura honen amaierara iristeko faboritoen artean dago.

Piche taldearentzat Devi galtzea ez zen okerrena izan, okerrena taldearen egoera baita. Manuk bi jokoetan hartu du parte eta biak galdu ditu. Kide bat galdu du eta bere jarraipena kolokan dago. Michel kanpamentuko elkarbizitza ezegonkortzen ari da eta Josetxok mendekua aitortu du, batzarreko nominazioak direla eta. Saioko lehiakiderik marmartienak direnak eta ez direnak esan zituen bai jokoan, eta baita batzarrean ere. Bere taldeko neskek, batez ere Conejok eta Alexek, izaera horrekin taldean giro ona egotea ezinezkoa dela pentsatzen dute. Michelen hortza ere aipatzekoa da. Uruguaitarrak ez zion negar egiteari utzi, eta batzarrean, Julianek mediku espezialista batera joateko baimena eman zion.

Beste taldeetan, momentuz, lasaitasuna da nagusi. Kortak eta guanakoek sua egitea lortu zuten eta dirudienez, bere kexak desagertu dira. Bere aldetik, Blanca eta Puma taldeko kideak Kanibalean Jokoan lortutako garaipenaz gozatzen ari dira. Oraingo honetan, Juanito libratu egin da, dueluan Oskarrek erakutsitako abilitateari eta indarrari esker. Baina gauzak edozein unetan alda daitezke.