telebista
7. atala
Manu Maritxalarrek eta Josetxok alde egin dute abenturatik
Guanacos taldeko Kortak eta Natyk Manu eta Josetxo menderatu dituzte dueluan. Lehen fasea amaitu da, eta 8. atalean Andeetako Patagonian izango dira "El Conquistador del Fin del Mundo" saioan.
Informazio gehiago (1)
Piches taldeko handiak ezin izan du Guanacos taldeko zaharra menderatu. 63 urte baditu ere, Kortak erraz gainditu du Manu. Josetxok ere ez dio asko lagundu boxeolari ohiari. Tolosako erretxinak indar guztiak galdu ditu adierazpenak ematen, eta azkenean Naty gailendu egin zaio. Beraz, Manuk eta Josetxok abenturatik alde egin dute, ez dute Andeetako Patagonia ezagutuko, eta Piches taldea oso murriztuta utzi dute.
Kortaren etorkizuna ere ez dago oso argi, oriotarrak joan egingo dela esan baitu behin eta berriz. Halere, Guanacos taldeko kideek Patagoniaren beste aldea ezagutzeko aukera izango dute.
Abenturako duelu desiratuenaren aurretik Juanitok erakustaldia egin du kapitainen jokoan jumarra erabiliz sokan gora igotzen. Saioko lehen proban tirolina erraldoian huts egin ostean zuen arantza kendu du mendizaleak.
Ordurako argi zegoen kanporatutako kapitainaren lehia Korta eta Manuren artean zegoela.
Piches taldeko handiak taldekideetako bi galduak zituen saioaren lehen zatian: Devi eta Michel. Kortak ere bi taldekide galdu ditu aurretik: Julen eta Olga.
Korta eta Manu arriskuan izanda, Juanito eta Blanca lasaitua hartuta daude, saioaren bigarren fasera taldekiderik galdu gabe iritsi baitira Cóndores eta Pumas taldeak.
Argi zegoen: Kortak edo Manuk immunitate proba irabazten ez bazuten, Piedra Paradako faseko azken dueluan elkarren kontra egin behar zuten. Eta azkenean horrela izan da. Pumas taldeko kideak ingeniari hobeak izan dira Guanacos eta Piches taldekoak baino. Punteria hobea dutela erakutsi dute eta immunitate proba irabazi dute. Ondorioz, taldekiderik galdu gabe iritsiko dira hurrengo fasera.
Ziur aski duelu handia berdinduago egon zitekeen, baina ezin zirraragarriagoa izan da; kapitain maitatuena inork estimatzen ez duenaren aurka.
Korta "gurtua", Juanito "pottoki marmartia" eta Blanca "zorion hutsa" dira aurrera egingo duten kapitainak. Hala ere, hiru kapitain handiok ezin izango dute berdindu kapitain maltzurretan maltzurrena.
Agur Manu!!!
