telebista
Kirol emanaldiak
Alaves-Logroñes, zuzenean, gaur, ETB-1en eta eitb.com-en
A.A.
EITB
Horrez gain, Lezamako pilota torneoko finalak, Triman Navarra-Rios Renovables areto futbol norgehiagoka eta Ezkurra-Saldias / Urriza-Zubiri erremonte partida.
Gaurko kirol eskaintzak zuzeneko emanaldi bat dakarkigu ETB-1en eta eitb.com-en: Bigarren B Mailako Alaves-Logroñes neurketa, 17:00etan, Xabier Andueza, Juanan Larrañaga eta Joseba Urkiolaren kontakizunarekin.
Bestalde, ETBKn, afizionatu mailako pilotari tartea zabalduko diote goizean, 12:30ean, Lezamako Txapelketako finalak eskaintzeko. Iñigo Aiestaran esatariak Enrique Agirrebeitia aditua izango du lagun.
17:00etan, Triman Navarra-Rios Renovables areto futbol partidaren berri emango dute Xabier Anduezak eta Juanma Ordozgoitik.
Amaitzeko, 22:30ean, erremontea izango da ikusgai: Sagardoaren Txapelketako Ezkurra-Saldias / Etxeberria IV-Ion partida. Arratsaldean Hernaniko Galarretan jokatutako norgehiagokaren kontaketa Iñigo Aiestaranek eta Manuel Arrizabalaga Matxinek egingo dute.
Realaren eta Athleticen laburpenak 'Gol Festa' saioan
Bestalde, 21:00etatik aurrera Txemi Galarragak gidatuko duen "Gol Festa" saioan futbol jardunaldiaren errepasoa egingo dute. Realak Valladolinen aurka Anoetan eta Athleticek Getafen jokatuko duten neurketei arreta berezia eskainiko diete: laburpenak, protagonisten hitzak eta analisia.
