telebista
Saio berria
'101 Gaztelu' saio berrirako casting-ak aste honetan izango dira
Erredakzioa
'Basetxea' eta 'Conquis' gustuko izan badituzu, abenturazalea bazara, '101 Gaztelu' izan daiteke zure saioa. Maiatzaren 24an eta 29an izango dira hautaprobak Bilboko eta Donostiako EITBren egoitzetan.
Bideoak (1)
Informazio gehiago (1)
Lehiakide abenturazaleen bila dabil berriz ere Euskal Telebista, "101 Gaztelu" saioan parte hartzeko. "Basetxea" eta "El Conquistador del Fin del Mundo" saioen tankerako lehiaketa berri bat izango da, eta Euskal Herriko gazteluetan barrena murgilduko da abentura epiko handi hau. ETB-1en emango da eta Julian Iantzik aurkeztuko du. Lehiaketan parte hartu ahal izateko casting-ak aste honetan bertan izango dira:
- Ostiralean, maiatzak 24: Bilboko EITBren egoitzan (Basurtuko Kaputxinoak 2), goizeko 09:00etik 20:00ak arte.
- Asteazkenean, maiatzak 29: Donostiako EITBren egoitzan (Miramon pasealekua 172), goizeko 09:00etik 20:00ak arte.
Casting-ean parte hartzeko nahikoa da bi hitzordu hauetako batera azaltzea. Ez da inon izenik eman behar. Abentura gustuko duen jendea bilatzen dute saio honetarako, "Basetxea" eta "El Conquistador del Fin del Mundo" saioen tankerako batean parte hartuko luketen lehiakideak hain zuzen ere.
