telebista
Larunbatean
Italiako Giroko 20. etapa, zuzenean, ETB1en eta eitb.com-en
A.A.
EiTB
Horrez gain, Urriza-San Miguel / Etxeberria IV-Juaristi-Jon erremonte partida eta Olaizola II-Barriola buruz burukoa.
Italiako Giroko azken aurreko etaparen emankizuna 12:30ean hasiko da ETB1en eta eitb.com-en, Fermin Aramendiren eta Xabier Usabiagaren kontakizunarekin. Ordu berean, ETBKn, Gasteizko Zaramaga Torneoko finalen berri emango du Iñigo Aiestaranek.
17:00etan, ETBKn, zuzeneko erremonte emankizuna osatuko dute Hernaniko Galarreta pilotalekutik: Urriza-San Miguel / Etxeberria IV-Juaristi-Jon partidaren ingurukoak Iñigo Aiestaranek ekarriko dizkigu Manuel Arrizabalaga Matxin lagun duela.
18:30ean, areto futboleko ligako playoff-etako Barcelona-Ríos Renovables
partida izango da ikusgai, Xabier Andueza eta Juanma Ordozgoitiren eskutik.
Azkenik, 22:30ean, Buruz Buruko Txapelketako Olaizola II-Barriola neurketan gertatutakoa kontatuko dute Juanan Legorburuk eta Koldo Aldalurrek.
