telebista
22:15ean
Pentsioen erreforma aztergai, 'Debatea'n
A.H.
EITB
Horrez gain, Klaudio Landak Edurne Brouard, Santiago Brouard HBko buruzagiaren alaba, elkarrizketatuko du.
Espainiako Gobernuak hainbat adituri eskatu dien pentsioen erreformaren inguruko txostenari buruz arituko dira ETB1eko 'Debatea'n. Haiek ez dute zalantzarik, sistema bermatzeko pentsioen egungo politika aldatu behar da. Gizartean, berriz, beldurra nagusitu da, erretiratuen erosteko gaitasuna erabat murriztuko dela pentsatzen delako.
Edurne Brouardekin elkarrizketa
Horrez gain, Klaudio Landak Edurne Brouard elkarrizketatuko du. Izan ere, aurten hirugarren aldiz ireki da Santiago Brouard HBko buruzagia 1984ko azaroaren 20an nork eta noren aginduz hil zuen argitzeko auzia. Eta hirugarren aldiz artxibatu dute.
'Debatea', 22:15etik aurrera, ETB1en.
