telebista
Zinema
Maria Montessoriren bizitza, larunbatean, ETB2n
Gaueko 22:00etatik aurrera, 'Maria Montessori. Una vida dedicada a los niños' filma eskainiko du ETB2k.
-
'Maria Montessori. Una vida dedicada a los niños' pelikula
Euskal Telebistaren bigarren kateak Maria Montessoriren, munduko pedagoga ezagunenaren, bizitza laburbiltzen duen pelikula eskainiko du larunbatean. Gaueko 22:00etatik aurrera, Gianluca Maria Tavarell zuzendariaren Maria Montessori. Una vida dedicada a los niños ikusi ahal izango da. Paola Cortellesi, Massimo Poggio, Gianmarco Tognazzi eta Lisa Castoni dira aktore nagusiak.
Bizitzea egokitu zitzaion garairako aurreratua zen Maria Montessori. Familia burges bateko kidea, bizitza lasaia alde batera utzi eta ikasketak egitea erabaki zuen. Besteak beste, medikuntza ikasi zuen eta 1896an Italian graduatutako lehen emakumezko medikua izan zen. Ondoren, haurren heziketaren arloan aritu zen lanean eta ‘Montessori metodoa’ bezala ezaguna dena garatu zuen. Bi ataletan banatuta dagoen filmak emakumearen bizitza, lana, pasioa eta borroka izango ditu ardatz.
Maria Montessori. Una vida dedicada a los niños, larunbatean 22:00etan, ETB2n.
