telebista
Gaur, 22:30ean
'Paso de ti' komedia, gaur gauean, ETB2n
I.A.
Jason Segel, Kristen Bell eta Russel Brand dira Judd Apatowk zuzendutako filmearen protagonistak.
Paso de tí (Forgetting Sarah Marshall) komedia izango da ikusgai gaur ETB2n, 22:30ean, gaueko "Eguraldia"ren ostean.
Judd Apatowk zuzendutako filmak Peter Bretter (Jason Segel) musikari ezezaguna du protagonista. Sarah Marshall (Kristen Bell) telebistako izarra da Peterren bikotekidea. Musikariak asko maite du neska-laguna, baina Sarahk ez du bera maite, eta Peterrekin duen harremana haustea erabakiko du. Peter lur jota geldituko da, eta osatzeko asmoz, Hawaiira joango da. Baina irlan amesgaizto bat biziko du: Sarah neska-lagun ohia eta Aldous (Russel Brand) haren bikotekide berria bere hotel berean egongo dira ostatu hartuta.
Ez galdu Paso de tí (Forgetting Sarah Marshall), gaur, 22:30etik aurrera, ETB2n.
