telebista
Estreinaldia
'Carta Blanca' Farrelly anaien komedia, gaur gauean, ETB2n
I.A.
Euskal Telebistak Carta Blanca (Hall Pass) filma estreinatuko du gaur gauean. Owen Wilson eta Jason Sudeikis dira Farrelly anaien komediaren protagonistak. 22:00etan, ETB2n.
Euskal Telebistak Carta Blanca (Hall Pass) Peter eta Bobby Farrellyren komedia eskainiko du gaur gauean. Telebistan estreinaldia izango da, eta 22:00etan izango da ikusgai ETB2n.
Rick (Owen Wilson) eta Fred (Jason Sudeikis) lagun onak dira, eta hainbat urte daramatzate beren emazteekin ezkonduta. Beraien ustez, ezkonduta egoteagatik ongi pasatzeko aukera asko galdu dituzte, batez ere sexuari dagokionean. Beraien emazteak, Maggie (Jenna Fisher) eta Grace (Christina Applegate), nazkatuta daude senarrak zaintzeaz, eta harremanak berpizteko ideia bat izango dute: senarrei aste librea ematea.
Rickek eta Fredek askatasun etenaldi bat izango dute; astebetez nahi dutena egiteko aukera izango dute, emazteei azalpenik eman beharrik gabe. Ezkonduta egoteagatik galtzen ari omen diren guztia bilatzen saiatuko dira.
Ez galdu Carta Blanca (Hall Pass), gaur gauean, 22:00etan, ETB2n.
