telebista
Gaur
Martin Aranburu eta Jauma Marsani, ETBko goizeko albistegietan
A.A.
EiTB
Kataluniako egoera politikoa izango dute aztergai 'Egun On Euskadi' eta 'ETB Hoy' saioetan.
-
Olaia Urtiaga eta Estepan Aldamiz Etxeberria
Kataluniako aktualitate politikoari begira izango dira gaur Euskal Telebista goizeko albistegietan. 'Egun On Euskadi'n, goizeko 8etan, Martin Aranburu CatDem fundazioko kidea elkarrizketatuko du Estepan Aldamiz-Etxebarriak. Luismi Uharte, Iñaki Galdos eta Roberto Uriarte kolaboratzaileek ere hartuko dute parte ETB1eko saioan.
Bestalde, ETB2ko 'ETB Hoy' saioan, Olaia Urtiagak Jauma Marsani, Asamblea Nacional de Catalunyako presidente orde eta Via Catalanako kidea, hartuko du gonbidatu. Ondoren, Silvia Intxaurrondok gidatutako solas-tartea izango da ikusgai.
Drone hegalarien erabilera aztergai
11:15ean ikusgai izango den 'Entrada Libre' saioan, drone hegalarien erabileraz mintzatuko da Vanessa Sanchez Daniel Tena Bidasoa GBLHI ikastetxeko irakaslearekin..
