telebista
Aurrerapena
Azkenak lehenak izango ote dira?
Ilargiaren jauziak egoera korapilatu die Korta eta Juanitori. Orain arte taldean euren barneko arazoak erraz konpondu arren, orain erabakiak hartuko beharko dituzte bileran.
Orain abenturan edozein akats txiki benetako amesgaizto bihur daiteke, eta zer esanik ez dena ezezaguna den aro berri baten jokoa galduz gero.
Horrela bada, ilargiaren jauziko jokoak egoera ederto korapilatu die Korta eta Juanitori. Orain arte euren taldean euren barneko arazoak nahiko erraz konpondu dituzte, batez ere ia ez dutelako jokorik galdu; orain, baina, bilera ate-joka izanda, mundua datorkie gainera.
Argitu beharreko hainbat zalantza
Jakareen eta abenturan hasieratik taldekide izan dituztenen artean erabaki beharko dute; ezbairik gabe, bihotza gorria da, baina Eneko eta Leon funtsezkoak direla dio buruak. Jaguareteen euren artean, berriz, indartsuen eta ahulen arteko borroka dago.
Bestalde, inork ez du ahaztu Txispyren akatsa eta taldeak akats haren ondorioz jaso zuen zigorra; eta zer esan Kortak Anderren aurka erakutsitako jarrera basatiaz, ur-jauzian gora egin ezinda ibili zenean?
Bilera bati ekiteko gau txarra igaro ondoren, ederra nahaste-borrastea! Gaur gauean ikusiko dugu zer erabakiko duten azkenean kapitainek, ‘El Conquistador del Fin del Mundo 10’ saioaren hamargarren atalaren bigarren zatian.
