'La bendición' filma, gaur gauean, 'La Noche de...' saioan

Gaur, Bless the Child edo La bendición izenarekin ezagutzen den beldurrezko filma eskainiko du 'La Noche de...' saioak. Kim Basinger da filmaren protagonista, eta munduaren patua bere eskuetan izango duen Cody izeneko neskatxo baten ardurapean egongo da. Christina Riccik, Rufus Sewellek eta Jimmy Smitsek osatzen ute film honen aktoreen zerrenda. Pelikularen errodajearen zenbait xehetasunetan murgilduko da Felix Linaresek aurkezten duen programa.

Bestalde, Rob Loweren 50.urtebetetzea aprobetxatuz, 80ko hamarkadako nerabeen idoloa izan zen aktore honen bizitzan izandako eskandaluak ekarriko ditu gogora. Rob Lowe izar handia izateko bidean egon zen, baina adingabe batekin grabatutako bideo porno batek bere aktore-ibilbidea pikutara bidali zuen. Los titulares de Rob Lowe atalean gogoratuko dute Rob Loweren bizitzako kapitulu hau.

Anai-arreba bikiak dituzten Hollywooden aktoreek adibideak erakutsiko dizkigu Linaresek Línea Caliente atalean: Scarlett Johansson, Ashton Kutcher eta Vin Diesel. Aktore hauen anai-arreba bikiak, ordea, ez dira ez zineman aritzen ezta ospetsuak ere.

Bukatzeko, Rock Hudsonek izan zuen heriotza tragikoa ekarriko digu gogora, iaz estreinatu zen Dallas Buyers Club filmari helduta. Hiesaren aurka izan zuen borroka sutsua goraipatzen du filmak, medikuek uste zutena baino askoz gehiago iraun baitzuen bizirik. Gauza bera gertatu zen John Waynekin, minbiziaren aurka 15 urtez egon zen borrokan eta. Aktore hauek gaixotasun ezberdinei nola egin zieten aurre azalduko du 'La Noche de…' saioak También son humanos atalean.

Gaur, ez ezazu galdu 'La Noche de… La bendición', 22:15etik aurrera, ETB2n.