EFES Istanbul-Laboral Kutxa, zuzenean, ETB1en eta eitb.com-en

Gaur arratsaldean, EFES Istanbul eta Laboral Kutxa taldeen arteko norgehiagoka eskainiko dute ETB1ek eta eitb.com-ek zuzenean, 19:45etik aurrera. Istanbulen jokatuko dute Euroligako Top 16 faseko hamabigarren jardunaldiko partida, eta Xabier de la Fuentek eta Josean Aldalurrek egingo dute emanaldiaren gaineko kontakizuna.

Horrez gain, Kataluniako Itzuliaren laugarren etaparekin bat egingo dute Euskal Telebistako kamerek 15:35etik aurrera. Alp eta Vallter 2000 arteko 166 kilometroko ibilbidearen kontakizuna egingo dute Alfonso Arroiok eta Xabier Usabiagak ETBKn eta eitb.com-en.

Amaitzeko, Igor Sarriegik Reala eta Valladolid taldeen arteko Ligako norgehiagokaren laburpena egingo du 21:55ean ikusgai izango den 'Gol Festa' berezian.