Jokaldi makurra egin diote Leoni

Conquistador saioan lehiatzeko, indartsua izateaz gain, estratega ona izan behar da, eta oso maltzurra; sinisten ez duenak, bestela, begiratu dezala ze aurpegi geratu zaion Leoni bilera izan ostean.

Rebekarengana gerturatzeaz gain, Yagureteen botoa apurtzea lortu du Enekok; Antuan, betiko lez despistatuta ibili eta egoerak ilargian harrapatu dio: zuk zera esan zenuen, nik beste hura uste nuen…Azken finean, Patagonian lehiakide guztiak talde berean batzetik pausu batera daudenean, Leon arriskuan dago.

Joko baliogabea talde bientzat

Jaguareteek eta Koatiek ezin izan dute oihanarekin. Orientazio jokoa uste baino gehiago konplikatu da eta bi taldeak helburua lortzetik gertu egon diren arren, Julianen kronometroak hegoak moztu dizkie.

Baliorik gabe utzitako jokoaren ondoren, talde bakoitza bezperan egondako kanpamentura itzula da bueltan, Jaguareteak erabat haserretuz. Baina, abenturan aurrera jarraitzen dutenek bilurra gorputzean sartuta dute, hegoalde hotzera bidaiatzeko aukera inork ez baitu galdu nahi.