telebista
Astero bat
'Euskadi Movie'ren esketxak whatsapp bidez aurreratuko dituzte
A.E.
EiTB
Mobilean eta doan telebistako saioaren esketxa jaso ahal izango da, aurretik 639151579 zenbakian eskatuz.
-
Interesa dutenek, 639151579 zenbakira whatsappa bidali
'Euskadi Movie' ETB2n 'Vaya Semanita'ko lan-taldeak egiten duen saioak ekimen berritzailea jarriko du martxan jarraitzaileen leialtasuna saritzeko. Asteazkenero, doan, ostegun gauean emango den esketxetako bat eskainiko dute whatsapp bidez.
Bideoa jaso nahi duten lagunek 639151579 zenbakira whatsappa bidali ahal izango dute eskaera eginez, eta inork baino lehen jasoko dute esketxa euren kontaktuekin partekatzeko. Halaber, beste bi whatsapp mezu ere jasoko dituzte: saioaren emisio orduaz abisatuko zaie ostegunean, eta bezperako saioaren esketxak nola ikus daitezkeen ohartaraziko diete ostiralean.
Aitzindariak
Lehen ere 'Vaya Semanita' taldea izan da aitzindari beste arlo batzuetan. Hain zuzen ere, euskaldunok geure buruaz barre egiten badakigula jakinarazten lehendabizikoak izan ziren.
Ondoren, eitb.com-eko 'Vaya Semanita'ko esketxak sartzen lehenetarikoa izan izen, web gune eta blogetan esketx horiek sartzeko aukera emanez. Gainera, sare sozialak bete-betean sartu zirenean, telebistako lehen Fan Pagea izan zuten Facebooken, Euskadin, 100.000 jarraitzailerekin.
Orain urrats bat emango dute aurrera, jarraitzaileak astero whatsapp bidezko esketx batekin sarituz.
