telebista
Kirol emanaldiak
Frantziako Tourreko 12. etapa, zuzenean, ETB1en eta eitb.eus-en
A.H.
EITB
Bourg-en-Bresse eta Saint-Étienne udalerrien arteko 185,5 kilometroko etapa gogorra izango da. Jarraitu Frantziako Tourra zuzenean eitb.eus-en.
Gaur arratsaldean, Frantziako Tourraren hamabigarren etaparekin bat egingo dute ETB1ek eta eitb.eus webguneak 14:40tik aurrera. Bourg-en-Bress eta Saint-Étienne udalerrien arteko 185,5 kilometroko ibilbidea izango du lasterketak, eta, amaiera aldean, helmugatik 20 kilometrora, laugarren mailako mendate bat (Grammond) gainditu beharko dute txirrindulariek. Fermin Aramendik, Xabier Usabiagak eta Pedro Mari Goikoetxeak egingo dute lasterketaren gaineko kontakizuna zuzenean.
Zesta-puntako Markinako saria, ETBK Sat katean
ETBK Sat kateak asteartean jokatutako zesta-puntako Markinako saria eskainiko du 17:10etik aurrera. Goikoetxea-Hernandez eta Hormaetxea-Lopez bikoteak izango dira nor baino nor gehiago. Juanan Legorburuk eta Jabier Arkarazok emango dute partidaren berri.
