telebista
22:00etan
'Historias de San Valentín' filma, gaur gauean, ETB2n
Flim honek maiteminduen egunean gertatzen diren hainbat istorio kontatzen ditu. Aktoreen zerrendan, Ashton Kutcher, Julia Roberts, Jamie Foxx eta Anne Hathaway izen ezagunak aurki ditzakegu.
-
'Historias de San Valentín' filma. Argazkia: EiTB
ETB2k Historias de San Valentín filma eskainiko du gaur gauean, 22:00etan. Garry Marshallek zuzendutako film honek maiteminduen eguneko hainbat istorio kontatzen ditu.
Pelikula honen aktoreen zerrendan izen ezagunak aurki ditzakegu: Ashton Kutcher, Julia Roberts, Jamie Foxx, Anne Hathaway eta Jessica Alba. Horiez gain, Shirley MacLaine, Kathy Bates, Jessica Biel, Jennifer Garner, Bradley Cooper, Emma Roberts, Topher Grace, Patrick Dempsey, Queen Latifah, Eric Dane, Héctor Elizondo, George López, Taylor Swift, Taylor Lautner, Bryce Robinson, Carter Jenkins eta Kathy Bates aktoreak ere ageri dira bertan.
Film honek maiteminduen egunean gertatzen diren hainbat istorio kontatzen ditu. Armadako ofizial batek (Julia Roberts) Iraketik Los Angelesera doan hegazkin bat hartu, eta kontu batzuk argitu behar dituen pertsona batekin topo egingo du (Bradley Cooper); lorategi bateko jabeak (Ashton Kutcher) bere andregaiari (Jesicca Alba) ezkontzeko eskatuko dio, baina lorategiko jabea bere lagun batekin (Jennifer Garner) maiteminduta dago; erretiroa hartuta dagoen emakume batek (Shirley MacLaine) beste pertsona batekin harreman luzea izan zuela aitortuko dio bere senarrari; hiriko talentuak bilatzeko agentzia garratzitsuenean lan egiten duen emakume bat (Anne Hathaway) posta enpresa batean lan egiten duen gizon batekin ateratzen hasiko da. Azkenik, publizitate munduan lan egiten duen neska batek (Jessica Biel) ez du izango maiteminduen eguna norekin ospatu.
Historias de San Valentín, gaur, 22:00etan, ETB2n.
