'La Noche de…' saioak 'Los falsificadores' filma eskainiko du gaur

Atzerriko pelikula onenaren Oscar saria lortu zuen Los falsificadores film bikaina eskainiko du gaur gauean 'La Noche de...' saioak. Benetako istorio batean oinarritutako pelikula da, eta naziek herrialde aliatuen ekonomia suntsitzeko diseinatu zuten Bernhard operazioa hartzen du oinarri. Felix Linaresek pelikula grabatzeko lanen inguruko hainbat datu emango ditu, baita benetako istorioaren xehetasunak ere.

Bestalde, Denzel Washington aktorearen bizitza pertsonala eta profesionala errepasatuko du 'LND'k, asteburuan jasoko duen Donostia sariaren karietara. Hala ere, Felix Linaresek oso zorrotz epaituko du aktore famatua, haren sekretu eta delitu guztiak argitara ateratzeko.

Horrez gain, Los vascos conquistan Hollywood atalean, euskaldunek film eta ekoizpen garrantzitsuenetan duten presentzia aztertuko dute.

Lauren Bacall gogoratuz amaituko da 'La Noche de...' saioa. Duela gutxi hil den aktorearen ibilbideari buruzko erreportajea eskainiko dute.

'La Noche de... Los falsificadores', gaur gauean emitituko da, 22:15etik aurrera, ETB2n.