telebista
22:15ean
'Más allá del odio' filma, gaur gauean, ETB2n
EITB
EITB
Senarra desagertu ostean bizitza guztiz aldatuko zaion emakume baten bizimodua kontatuko digu filmak.
Más allá del odio (2005) film estatubatuarra eskainiko du gaur gauean ETB2k. Mike Binder zinemagilea da filmaren zuzendaria, eta Kevin Costner eta Joan Allen, protagonista nagusiak.
Terry Wolfmeyer (Joan Allen) emakumearen bizimoduak aldaketa handia izango du, bat-batean, bere senarra desagertu ostean. Lau alabekin duen harremanak okerrera egingo du, eta edanari emango dio bere arazoei ihes egiteko. Beisbol munduan izar handia izan zen auzotar batekin harremanetan hasiko da orduan, eta haren babesa bilatuko du inguruan dituen arazo guztiei aurre egiteko.
Ez galdu Más allá del odio filma, gaur, 22:15ean, ETB2n.
