telebista
22:15ean
Nai, 'El Conquis' debateko protagonista, gaur gauean, ETB2n
Kondorrekin egindako azken orduak, Juanito eta Kortarekin izandako harremana, eta laster taldeetan izango diren aldaketak izango ditugu hizpide Nairekin, gaur, 22:15etik aurrera, ETB2n.
Patagonian jokatzen den abentura saioko gorabeherak bizi-bizi jarriko ditu Nairen alde egiteak. Waterpoloko jokalari portugaldarra izango da, beraz, "El Conquis" debate saioko protagonista, Patxi Alonsok aurkeztuta.
Kondorren taldean egindako azken orduak, aizkoraren jokoan izandako liskarraren ondoren Juanito eta Kortarekin izandako harremana, eta laster etorriko diren talde zein kapitainen mugimenduak izango ditugu hizpide Nairekin.
Irudi berriak eta aurrerapenak
Nairi egindako elkarrizketaz gain, igandeko atalaren irudi berriak ikusiko ditugu; halaber, datorren astean izango ditugun gorabeheren aurrerapena ere izango da ikusgai: David Seco etxera joango da? Zer gertatuko da Janaina, Sergio eta Patxirekin? Zenbat falta da taldeak bateratzeko?
Ikusleen lehiakide gogokoena
Aste honetan hasi da "El Conquistador 11" saioko 29 lehiakideen artean ikusleen gogoena aukeratzeko lehia. "El Conquistador" saioaren webgunean bertan eman dezakete euren botoa ikusleek, eta horiek jasotako boto kopuruaren arabera, astero bi lehiakide kanporatuko ditugu.
Beti legez, saioaren nondik norakoak errepasatzeko, honako tertuliakide hauek ere izango ditugu debatean: Eneko Van Horenbeke, Roberto Laiseka, Julen Madina, Gotzon Mantuliz, Isa Landa, Amaia Puertas, Iban Biaga eta Manu Redondo.
