Armani Milan-Laboral Kutxa, zuzenean, ETB1en eta eitb.eus-en

Saskibaloiko Euroligako Top 16ko 12. jardunaldiaren barruan, Armani Milan eta Laboral Kutxa taldeek jokatuko duten norgehiagoka zuzenean eskainiko dute ETB1ek eta eitb.eus-ek gaur, 21:00etan. Asier Aranguren eta Josean Aldalur izango dira esatariak.

Arratsaldean, 15:55ean, Kataluniako Itzuliaren 4. etapa izango da ikusgai. Fermin Aramendik eta Xabier Usabiagak La Molinako mendatera bidean lasterkariek egingo dituzten azken kilometroen kontakizuna egingo dute ETB1en eta eitb.eus-en.