Berako pilota jaialdia, zuzenean, ETB1en eta eitb.eus-en

Gaur, Nafarroako Bera herritik egingo du pilota emankizuna Euskal Telebistak. 22:00etan hasiko da 'ETB Kantxa' saioa Promozio txapelketako Mendizabal III- Urruzola / Víctor- Iturriaga partidarekin. Bigarren norgehiagokan, Altuna III-Merino II eta Irribarria-Rezusta bikoteak izango dira nor baino nor gehiago. Xabier Euzkitzek, Joxan Tolosak eta Ibon Gaztañazpik egingo dute kontakizuna ETB1en eta eitb.eus-en.

Bi pilota partiden artean, Eibar-Rayo partidaren laburpena egingo du Iban Bengoetxeak.

Bestalde, goizean, 12:00etan, Zumarragako Goñi sariko finalak jarraitzeko aukera izango da ETB4n. Iñigo Aiestaran izango da esataria, Iñigo Viana lagun duela.