telebista
22:30ean
'El rifle y la Biblia' filma, gaur gauean, ETB2n
Western generoaren klasikoa da. John Wayne eta Katharine Hepburn ditu protagonista.
ETB2k El rifle y la Biblia (Rooster Cogburn) filma eskainiko du asteazkenean, 22:30etik aurrera. John Wayne eta Katharine Hepburn ditu protagonista, eta Stuart Milar da westernaren zuzendaria.
Rooster Cogburn (Wayne) sheriff mozkorra da, eta gainbeheran dago. Parker epaileak plaka kendu dio, gaizkileak harrapatzen gogorregi aritu delakoan. Jarraian, ordea, Parkerrek berak eskari bat egingo dio: Hawken taldea harrapatzeko eskatuko dio, armadari nitroglizerina lapurtu baitio. Bidean, Roosterrek emakumezko misiolari batekin (Katharine Hepburn) egingo du topo. Hawkek aita hil berri dio, eta gaizkileak elkarrekin atzematea erabakiko dute.
Ez galdu John Wayne eta Katharine Hepburn aktore handiak protagonista dituen western klasiko hau.
