telebista
Eztabaida eta analisia
Kontzertu Ekonomikoa arriskuan ote dagoen aztergai 'Minuto a Minuto'n
EITB
Aintzane Bolinagak Pedro Luis Uriarte Ekonomia sailburu ohia elkarrizketatuko du, Kontzertu Ekonomikoaren inguruan argitaratu berri duen liburua hizpide hartuta.
Pedro Luis Uriarte, Eusko Jaurlaritzako Ekonomia sailburu ohi eta 1980ko Euskal Kontzertu Ekonomikoa negoziatzeko batzordeko kidea, gaur gaueko 'Minuto a Minuto' saioan izango da gonbidatu. Argitaratu berri duen El Concierto Económico vasco: una visión personal liburuaren inguruan galdetuko dio Aintzane Bolinagak, eta Kontzertuak egun dituen arriskuak eta herritarrek gaiaren inguruan duten ezjakintasuna aztertuko ditu.
Asier Sanchez kazetaria, bere aldetik, Sarrikoko Ekonomia Fakultateko gela batera sartuko da ikasleekin batera, Kontzertu Ekonomikoaren inguruan hitz egitera, eta kalean ere izango da, herritarrek Kontzertuaz dakitena ikusteko.
'Minuto a Minuto' asteazkenero izan ohi da ikusgai, 22:30etik aurrera, eitb.eus-en eta ETB2n.
ETB2n.