telebista
Zinema ETB2n
'Hitman' eskainiko du 'La Noche De...'k gaur gauean
A.A./A.E.
Mario Casas eta Adriana Ugarte aktoreei buruz ere hitz egingo dute Felix Linaresek aurkezten duen saioan.
-
Félix Linares
Gaur gauean, Hitman akzio-pelikula eskainiko du 'La Noche de' saioak ETB2n. Felix Linaresek aurkezten duen saioak izen bereko bideo-jokoan oinarritutako pelikularen errodajearen detaileak eta protagonistei buruzko bitxikeriak kontatuko ditu.
Star Wars sailaren azken estreinaldia izan dela probestuz, zientzia-fikziozko pelikuletan egindako akatsei buruzko atal berezi bat emango du ETB2ko programak: Star mal: todo lo que está mal ¡en el cine galáctico!
Horrez gainera, También somos humanos atalean, Hollywoodeko aktore eskuzabalenen zerrenda ere egingo du: donazioak egiten dituztenak, behartsuenei laguntzeko bidaiak egiten dituztenak, etxerik gabekoei otorduak zerbitzatzen dizkietenak... denetik izango da.
Azkenik, Cara a cara atalean, Mario Casas eta Adriana Ugarte aktoreak izango dituzte hizpide. Izan ere, hurrengo ostiralean, Eguberri egunean iritsiko da zinema-aretoetara bi aktore hauek protagonista dituen Palmeras en la nieve pelikula, izen bereko eleberrian oinarritutako lana.
Asteartero ikusi daiteke 'La Noche de...' saioa 22:30ean eitb.eus-en eta ETB2n.
