telebista
22:30ean
Euskaldun basatien herrian barrena, 'Una Historia de Vasconia'n, gaur
A.H. | EITB
Donejakue Bideko erromesek euskaldunak nola deskribatzen zituzten, eta lurraldeak ibiltari horien etorrerarekin bizi izan zituen aldaketak azalduko ditu gaurko saioak.
Done Jakue apostoluaren hilobiak erakarrita, Euskal Herrira erruz heldu ziren lur arrotzetako ibiltariak Europako herrialde guztietatik, eta etorrera horrek eragin biziki handia izan du gure herriaren identitatea, artea eta kultura eratzen eta moldatzen. Gaurko 'Una Historia de Vasconia' saioak, Donejakue Bideko ibiltariek euskaldunei buruz utzitako lekukotzan murgilduko da, eta euskaldunak herri primitibo eta zakar bezala definitzeko arrazoiak azaltzen ahaleginduko da.
Orain arte, beti uste izan dugu haien lekukotzak bat-batekoak eta naturalak zirela, Nafarroan barrena Donejakue Bidetik, frantses bidetik, ibiltzen zirenen esperientzietan oinarrituta. Beharbada gauza ez zen hain tolesgabea izan. Bide hori, benetan, ez ote zen artifizialki eraiki, propagandako ekintza huts baten ondorioz?
'Una Historia de Vasconia' igande honetan emitituko da 22:30etatik aurrera, ETB2n.
ETB2n.