telebista
Kirolak ETBn
Zestoako pilota-txapelketa, zuzenean, ETB1en eta eitb.eus.en
A.H. | EITB
Horrez gain, Bera Bera eta Hypo taldeek jokatuko duten Txapeldunen Ligako multzoen fasera sailkatzeko lehen partida eskainiko du ETB4k.
-
Argazkia: EFE
Gaur gauean, Zestoako pilota jaialdiarekin bat egingo du zuzenean Euskal Telebistak 22:00etatik aurrera. Hasteko, Mendizabal III-Martija eta Jaka-Tolosa bikoteen arteko partida eskainiko dute, eta, ondoren, Irribarria-Rezusta eta Altuna III-Zabaleta bikoteen arteko norgehiagoka. Xabier Euzkitzek, Joxan Tolosak eta Xabier Anduezak egingo dute emanaldiaren kontakizuna, zuzenean, ETB1en eta eitb.eus-en.
Eskubaloia
Horrez gain, ETB4k eta eitb.eus-ek Super Amara Bera Berak eta Hypo Niederösterreich talde austriarrak jokatuko duten Txapeldunen Ligako multzoen fasera sailkatzeko partida eskainiko dute, zuzenean, 16:00etan hasita. Jon Ander Gorospe eta Matxalen Ziarsolo esatariek hartuko dute emanaldiaren ardura.
