telebista
Kirola zuzenean
Ezkurdia-Merino II / Elezkano II-Zabaleta, gaur, EiTBn
EiTB
Iruñeko pilota jaialdiaren aurretik, Bigarren B Mailako Real Sociedad B-Amorebieta partida ikusteko aukera izango dugu.
-
Ezkurdia eta Merino
18:00etan hasita, 'ETB Kantxa' saioa Iruñeko Labrit pilotalekutik zuzenean eskainiko da. Bi partida jokatuko dira: lehendabizi, Ugalde-Martinez eta Peña II-Salaverri bikoteen arteko Promozio Txapelketako bederatzigarren jardunaldiko partida; ondoren, Ezkurdia-Merino II eta Elezkano II-Zabaleta bikoteen arteko Binakako Txapelketako 9. jardunaldiko partida. Emanaldia ETB1en eta eitb.eus-en jarraitu ahal izango da zuzenean Joxetxo Lizartzaren, Jokin Errastiren eta Xabier Anduezaren kontakizunarekin.
Pilotaren aurretik, futbolaren txanda izango da. Bigarren B Mailako 23. jardunaldiko Real Sociedad B-Amorebieta norgehiagoka eskainiko da, 16:00etan. Esatariak Naxari Altuna, Juanan Larrañaga eta Xabier Ormazabal izango dira.
Goizean, 12:00etan, pilota ere ikusteko aukera izango dugu ETB4n eta eitb.eus-en. Kasu honetan, afizionatuak izango dira Aretako Torneoaren finala jokatuko dutenak. Halaber, 19:30ean, txirrindularitza izango dugu ikusgai; Mallorcako Challengearen lapurpena eskainiko dute eitb.eus-en.
