Joseba Ezkurdia

Ezkurdia eta Rezusta San Mateoko finalera sailkatu ziren Peña II-Mariezkurrena II bikotea mendean hartuta 22-18ko emaitzarekin. Partidan, ordea, epaileek atxikia adierazi zioten Peña II.ari. Gero, beste tanto baten, Peñak Ezkurdiaren atxikia eskatu zuen, baina epaileek ez zuten ezer adierazi.

Erritmoa Aspeko bikotea jarri zuen eta markagailuan aurrea hartu. Aitor Elordiren ordezkoak, Joseba Ezkurdiak ez zuen aukera alferrik galdu nahi izan. 20. tantoan bat egin zuten bi bikoteek, baina azken biek garaipena Ezkurdia eta Rezustari eman zieten, eta 22-20 emaitza estuarekin irabazi zuten.

Igande honetan, irailak 3, gorriz aritu den bikoteak erraz irabazi die Larrazabal eta Zabaletari Antzuolan jokatutako partidan, 22-11. Hala, Caixabank Masterseko finalerdietarako txartela lortu dute.

Joseba Ezkurdiak eta Jose Javier Zabaletak Bilboko Aste Nagusiko Torneoa irabazi dute. Gorriak 22-17 nagusitu zaizkie Jon Ander Peñari eta Jon Mariezkurrenari.

Jakak eta Martijak 22-19 irabazi diote Ezkurdia-Mariezkurrena II bikoteari CaixaBank Masterseko 4. jardunaldiko partida. Ondorioz, Jaka-Martija bikoteak bigarren puntua poltsikoratu du.

Oraingoan Altuna eta Imaz menderatu dituzte Azkoitiako Gurea pilotalekuan jokatutako partidan. partida berdinduta joan da 10na egin duten arte, horren ostean, 10 eta 7ko partzialarekin partida hautsi egin dute Ezkurdiak eta Mariezkurrenak.

Partida gogorra jokatu dute Ezkurdia-Zabaletaren aurka. Astearteko finalean, Peña-Albisu bikotea izango dute aurkari.

Joseba Ezkurdiak esperientzia berria izan du Azpeitiako pilotalekuan: profesionaletan lehen aldiz atzelari aritu da, Jokin Altunarekin bikote eginda. Arbizuakoak maila txukuna eman du eta garaipena lortu dute Elordi eta Zabaletaren aurka.

Ezkurdiak eta Mariezkurrenak Caixabank Masterseko bigarren puntua eskuratu dute Elordi eta Albisu 22-21 mendean hartuta.

Ostiralean jokatutako CaixaBank Torneoko lehen jardunaldian Ezkurdia eta Marezkurrena atera ziren garaile. Peña II.a eta Rezusta amaierara arte ahalegindu ziren baina 22-18 galdu zuten azkenean.

Jokin Altunak garaipena lortu du Joseba Ezkurdiaren aurka Lau t'erdiko San Fermin Txapelketako finalerdian, 13-22ko emaitzarekin. Ondorioz, Altuna III.a da lehen finalista.

2023ko San Fermin Torneoa uztailaren 7tik 14ra bitartean jokatuko da, Iruñeko Labrit pilotalekuan. Hamabi pilotari arituko dira bertan (Baikoko sei eta ASPEko sei) sei bikotetan banatuta.

Joseba Ezkurdiak irabazi egin du Peio Etxeberriaren aurka 22-20ko emaitzarekin Logroñon jokatutako San Fermin Txapelketako partida. Ondorioz, Arbizukoak (Nafarroa) urrats bakarrera du final handia.

Peio Etxeberriak aurrera egin du San Fermin Torneoan, 22-4 menderatu zuen Salaberria, eta igandean, Ezkurdia izango du aurrez-aurre Logroñon. Barañainen, berriz, Artolak 22-18 irabazi zion Zubizarretari eta datorren ostiralean Jakaren aurka neurtuko ditu indarrak Zaldibarren.

Aurkeztu dute 2023ko CaixaBank Mastersa. Sei bikote ariko dira lehian: Elordi-Albisu, Ezkurdia-Mariezkurrena II, Peña II-Rezusta, Altuna III-Imaz, Jaka-Martija eta Larrazabal-Zabaleta. Txapelketako lehen partida Urrestillan jokatuko da uztailaren 1ean, eta finala urriaren 1ean Nafarroa Arenan.

Jokin Altunak eta Aitor Elordik igandean jokatuko duten buruz buruko finalak ikusmina piztu du pilotarien artean. Batzuek argi daukate zein den faborito nagusia.

Dario Gomezek Ezkurdia garaitu zuen 22-15 Buruz Buruko Txapelketako hirugarren postua lortzeko lehian. Errioxarrak erritmo oso bizia jarri zuen hasieratik eta nafarra ez zen jarraitzeko gai izan.

Jokin Altunak Buruz Buruko Txapelketako finalerako txartela eskuratu du larunbat honetan, finalerdietan Joseba Ezkurdia mendean hartuta 12-22ko emaitzarekin Iruñeko Labrit frontoian.

Joseba Ezkurdia eta Jokin Altuna Labriten bildu dira finalerdirako materiala aukeratzeko. Larunbatean, maiatzaren 20an, Buruz Buruko finalera sailkatzeko txartela izango dute jokoan, Iruñeko frontoian.

Buruz Buruko finalerdiak zehazten ari dira, eta hiru pilotari daude sailkatuta: Altuna, Ezkurdia eta Dario. Errioxarrak Peio Etxeberria, Ezkurdia eta Jaka garaitu ditu, eta hiru partidatik hiru irabaziz iritsiko da azken aurreko fasera.

Partida gogorra jokatu dute bi nafarrek. Ezkurdai beti izan da aurretik markagailuan eta berak eraman du garaipena. Jokin Altuna izango du aurkari finalaurrekoan, Labriten, maiatzaren 20an.

Joseba Ezkurdiak eta Peio Etxeberriak Buruz Buruko Txapelketako final-laurdenetako ligaxkako 3. jardunaldiko partida jokatuko dute maiatzaren 6an, Labriten. Jada, aukeratu dute materiala neurketa erabakigarrirako.

Asteburuak bi protagonista nagusi utzi ditu Buruz Buruko Txapelketan: batetik, Jokin Altuna, Unai Laso egungo txapeldunari aise irabazi ziona; bestetik, Dario Gomez, finalerdietarako txartela lortu duen lehen pilotaria bihurtu dena.

Dariok bitik bi partida irabazi ditu Buruz Buruko final-laurdenetako ligaxkan. Bigarren jardunaldiko norgehiagokan nagusi izan da Ezkurdiaren aurka, 22-10eko emaitzarekin.

Joseba Ezkurdiak eta Dario Gomezek irekiko dute Buruz Buruko ligaxkako bigarren jardunaldia, Ogetan. Ostiralean neurtuko dituzte indarrak, baina jada material hautaketa izan dute.

Pilotan, igandean apirilaren 23an, osatuko da Buruz Buruko final-laurdenetako ligaxkako lehen jardunaldia, Altunak eta Lasok jokatuko duten partiduarekin. Iragan asteburuan Dario, Elordi eta Ezkurdia nagusitu dira euren neurketetan.

Zalantza izan da azken unera arte, baina Joseba Ezkurdiak jokatu du Buruz Buruko lehen jardunaldian. Gainera, garaipenarekin egin du. Fisikoki partida hasieran erritmo falta nabaritu badu ere, 13-5 aurreratzea lortu eta Jaka mendean hartu du.

Buruz Buruko Txapelketaren final-laurdenetako ligaxka hastear dago. Ezkurdiak igandean dauka programatuta bere lehen neurketa, baina oraindik ikusteko dago bertan izango den. Ostegunean egingo diote proba, eskuin izterra nola duen ikusteko.