telebista
Kirolak zuzenean
Giroa eta Promozio Txapelketako pilota partida, gaur, zuzenean, EiTBn
A.A.| EiTB
Binakako Pala Txapelketako finala ere zuzenean eskainiko dute.
-
Tom Dumoulin 2017ko Giroan
Zuzeneko hiru kirol emanaldi izango ditugu gaur ETBn eta eitb.eus-en. ETB1ek Italiako Giroko 2. etapa eta Urduñako pilota jaialdia eskainiko ditu, eta ETB4k, Binakako Pala Txapelketako finala.
12:40an egingo dute bat Haifa eta Tel Aviv artean jokatuko den Giroko 2. etaparekin. Fermin Aramendi, Xabier Usabiaga eta Alfontso Arroio arduratuko dira kontakizunaz.
'ETB Kantxa' saioa 18:00etan hasiko da eta bi partida eskainiko dira: Victor-Larunbe / Arteaga II-Aretxabaleta eta Promozio Txapelketako Gorka-Bakaikoa. Josetxo Lizartza, Jokin Errasti eta Xabier Andueza izango ditugu berriemaile Urduñatik.
Bestalde, Mungian jokatuko den Fusto-Ibargarai / Landeta-Gordon Binakako Pala Txapelketako finala 16:45etik aurrera izango da ikusgai. Iñigo Aiestaran eta Mikel Aierbe izango dira esatariak.
Eguneko eskaintza GRAVNI Torneoko finalek (12:00, ETB4 eta eitb.eus) eta Legazpiko Santikutz Saria txirrindularitza probaren laburpena (12:30, ETB1 eta eitb.eus) osatuko dute.
