telebista
Kirolak
Buruz buruko erremonte finala eta Vianako pilota jaialdia, gaur, zuzenean, EiTBn
EiTB
Bigarren B Mailako Vitoria - Izarra futbol partida ere zuzenean izango dugu ikusgai.
Zuzeneko hiru kirol emanaldik osatuko dute larunbat honetako kirol eskaintza ETBn eta eitb.eus-en.
Hasteko, futbola eskainiko dute, ETB1en: Bigarren B Mailako Vitoria - Izarra norgehiagoka, Naxari Altunaren eta Juanan Larrañagaren kontakizunarekin, 16:00etan.
17:00etan, ETB4n, Galarreta pilotalekutik (Hernani), erremontea izango dugu ikusgai, Kutxabank Buruz Buruko Txapelketako finala: Urriza - Uterga. Iñigo Aiestaran eta Manuel Arrizabalaga Matxin izango dira esatariak.
Azkenik, 18:00etan, ETB1en, Vianako pilota jaialdia eskainiko du 'ETB Kantxa' saioak. Bi partida jokatuko dira: Laso-Eskiroz / Peña II.a-Galartza eta Victor-Imaz / Artola-Mariezkurrena II.a. Josetxo Lizartza, Jokin Errasti eta Xabier Andueza arduratuko dira kontakizunaz.
