telebista
22:30ean
'La Noche de...' saioak 'Diario de un Escándalo' filma eskainiko du gaur gauean
EITB
Pelikulak Judi Dench aktorea hartzen du protagonista, asteartean bertan Donostia Saria jasoko duen aktorea. Berarekin, Cate Balnchet aktore ezaguna ikusiko dugu filmean.
-
Judi Dench 'Diario de un escándalo' filmean
Gaur gauean, 'La Noche de…' saioak Donostiako Zinemaldiarekin bat egingo du eta Diario de un Escándalo pelikula eskainiko du, Judi Dench, asteartean bertan Donostia Saria jasoko duen aktorea protagonista duen filma. Dench-en lanik onenetarikoa da eta Cate Blanchett aktore ezagunarekin batera ikusiko dugu. Saioak gainera, Judi Denchen ibilbidea errepasatuko du Los Archivos Secretos de LND atalean.
Bestalde, Will Smith 50 urte beteko ditu asteartean eta bere inguruko atalean, 50 urteko krisian sartu ote den aztertuko du saioan.
Amaitzeko, nahiz eta Hollywoodeko izar ezaguna izan, ikasketekin aurrera egin duten aktoreen adibideak emango ditu También son Humanos atalak.
'La Noche de… Diario de un Escándalo' astearte honetan izango da ikusgai, 22:30ean, ETB2n eta eitb.eus-en.
