Publizitatea
Itxi

2019/04/02

00:37

telebista

'El Conquis'en 12. atala

Maiderrek Olaia kanporatu du eta berdeei erakutsi die ez dela ahulena

EiTB

Urdinek karramarroaren jokoa irabazi dute Iñakiren erakustaldiari esker. Gorriak izan dira bigarrenak, eta berdeak, azkenak.

  • Olaia, "El Conquistador del Pacífico" saioko 12. ataleko kanporatua

    Olaia, "El Conquistador del Pacífico" saioko 12. ataleko kanporatua. Argazkia: EiTB

  • Whatsapp
  • Whatsapp
  • Telegram
  • Bidali

Talde gorriak desintegraziorako prozesuan jarraitzen du azken atalean Olaia galdu ostean. 'El Conquistador del Pacífico' saioaren 12. atala gose handiz eta sentsaziorik txarrenarekin hasi dute; irabazia zutela uste zuten joko bat galduta. Urdinek ekin egin dute karramarroekin, eta, merezimendu osoz, beste taldeak gainditu eta irabaztea lortu dute beste behin ere. 12 atalen ostean, berdeek 5 garaipen eskuratu dituzte, urdinek 4, eta gorriek 3 baino ez.

Immunitate jokoaren protagonista nagusia Iñaki animalista izan da; bera izan da karramarro-biltzailerik onena baina bi hortz hautsi ditu taldeari laguntzeko lanetan. Kanpamentu txiroan, Olaiak gauzak erraztu dizkie talde gorriko kapitainei eta duelura joateko aurkeztu du bere burua; adore gutxirekin zegoen, eta oinbularrak minduta zeuzkan. Beraz, egotzi egin du Asierrek ikustea talde gorriko hurrengo biktima bera izan daitekeela.

Bitartean, berdeak 'El Conquis'en ohikoak diren sexuen arteko borroka horietako batean sartuta daude. Gizonek emakumeak ahultzat eta ez ezinbestekotzat jo ohi dituzte, eta emakumeak ideia horren kontra azaldu ohi dira. Noizean behin, emakume bat gizonen ideietara gerturatzen da, baina Maider ez da horietako bat. Agian horregatik, bere "ausardia" ordaindu du eta arriskuan jarri dute. Baina dueluan nafarrak erakutsi du ahultasuna oso hitz erlatiboa dela. Argala da, bai, baina sokak dituzten jokoetan moldatzeko duen trebetasunak saioa irabazteko hautagaien artean jartzen du. Olaiaren aurkako duelua zirraragarria izan da. Biek egin dute duintasun eta abilezia erakustaldia. Azkenean, Maiderrek irabazi du, baina Olaiak ez dio batere erraz utzi garaipena. Ikusteko dago Patrik, Nagorek eta gainerakoek nola erantzuten duten ikusten dutenean Maiderrek askoz gehiago erakutsi duela kanpamentutik faborito "ikurrarekin" dabiltzanek baino.

Ez galdu 'El Conquistador del Pacífico', astelehenetan, 22:30ean, ETB2n eta eitb.eus-en. Gainera, saioaren atalak EiTB Nahieranen ikus daitezke.

  • Bisitatuena

      Kargatzen ikusiena
      Kargatzen ikusiena
    ;