prentsa oharrak
Ostiral honetan
Sergio Martinez, 2010eko boxeolaririk onena, 'Boxeo Izarrak' saioan
A.A.
EITB
Pedro Mari Goikotxeak gidatzen duen saioa 22:25ean dago ikusgai ETBSat-en eta 00:30ean ETB-1en.
Aste honetako "Boxeo Izarrak" saioaren ardatza Sergio Maravilla Martinez eta Serhiy Dzinziruk-en arteko norgehiagoka izango da. Boxeolari argentinarra lau aldiz izan da Munduko txapeldun bi pisu ezberdinetan eta gaur egun munduko boxeolaririk onenen artean dago. 46 borrokaldi irabazi ditu, bi galdu eta bi berdindu. Dzinziruk ukrainiarrak, ostera, orain arte egin dituen 36 borrokaldiak irabazi ditu eta zazpi aldiz izan da Munduko txapeldun superwelter pisuan.
Bigarren norgehiagokan Victor Ortiz eta Lamont Peterson arituko dira nor baino nor. Ez da Munduko txapelketa, baina biek dute horretarako maila. Peterson, hain zuzen, lehen ere txapeldun izanda dago.
Hirugarren norgehiagokan Puerto Ricoko boxeolari gazte bat ezagutuko dute ikus-entzuleek: Thomas Dulorme. 21 urte baino ez ditu eta orain arte egindako bederatzi borrokaldietan nagusitu da.
Jarraian, nesken arteko norgehiagoka bat, Cecilia Comunales eta Halana Dos Santosen artean, eta azkenik, euskal boxeolariak izango dira protagonista: Andoni Gago eta Juampa El Coyote Dominguez.
"Boxeo Izarrak" 22:25ean dago ikusgai ETB-1en eta 00:30ean ETBSat-ek. Pedro Mari Goikoetxeak Manu Maritxalarrekin batera komentatuko ditu borrokak.
