telebista
Kirolak
Iruñeko pilota jaialdia, gaur, zuzenean, ETB2n eta eitb.eus-en
EiTB
Italiako Giroaren lehen etapa iluntzera arte luzatuko denez, 'ETB Kantxa' saioa ETB2n izango dugu ikusgai.
-
Artola pilotaria.
Larunbatero bezala, pilota emankizuna izango dugu Euskal Telebistan. Oraingoan, ordea, ETB2n eskainiko da, ETB1en egin beharrean, Italiako Giroaren lehen etapa iluntzera arte luzatuko baita.
18:00etan hasiko da 'ETB Kantxa' saioa, Artola - Imaz vs Laso - Mariezkurrena II.a norgehiagokarekin. Ondoren, Buruz Buruko Promozio Txapelketako partida jokatuko da: Dario vs Aranguren. Josetxo Lizartza, Jokin Errasti eta Ibon Gaztañazpi arduratuko dira Iruñeko Labrit pilotalekuko jaialdiaren kontakizunaz.
Emanaldia zuzenean jarraitu ahal izango dugu eitb.eus-en ere.
Bestalde, 23:30ean, ETB1en eta eitb.eus-en, Realak Atletico Madrilen aurka Granadan jokatutako Erregina Kopako finalari buruzko 15 minutuko saio berezia izango da ikusgai.
