'El Conquistador' berriz ere audientzia-buru, % 22,0ko kuotarekin

'El Conquistador del Pacífico' saioa asteleheneko saiorik ikusiena izan da Euskadin berriz ere, eta % 22,0ko audientzia zatia bereganatu du. Julian Iantzik aurkezten duen saioak 299.000 ikus-entzuleko audientzia metatua izan du Euskadin eta eragin eremuan.

Asteleheneko atalak fase bateratuaren lehen kanporaketa ekarri du, Iñakirena, hain zuzen ere. Asierrek duelua irabazi du izugarrizko erakustaldia eginda. Caballo izan da bigarrena eta Luisitok Iñakik baino banderatxo bat gehiago lortu du; ondorioz, irundarra kanporatu dute.

Denboraldian zehar, audientzia datu bikainak izan ditu 'El Conquistador' saioak, batez beste, % 21,9ko audientzia zatia eta 315.000 ikus-entzuleko audientzia metatua lortu baititu.