Hiru kapitain berri eta Fetato, "El Conquis" saioko gaurko protagonistak

Gaur gauean, "El Conquis" saioan, jakingo dugu Dominikar Errepublikara bidaiatuko duten hiru kapitainak zeintzuk izango diren. Juanito, David, Eider, Ianire, Caballo eta Isma dira hautagaiak, baina hiru aukeratuko dituzte. Halaber, biharko saioan, Immunitate Jokoaren atarian, errefortzu gisa joandako lagunak nola hartu dituzten ikusteko aukera izango dugu.

Horrez gain, azken dueluan kanporatutako lehiakidea hartuko dute saioan: Fetato. Talde urdineko lehiakidea hiru taldeko lehiakideen artean bereziena izan da. Bere izendapena, gainerako lehiakideekin izan duen harremana eta urari dion gorrotoa erabakigarriak izan dira saiotik ateratzeko.

Ixku, Mikel eta Eneko kanpamentura itzuli zireneko irudiak ere erakutsiko ditu saioak. Talde berdeko kideen poza eta Gotzonek eta gorriek kanpamentu oso txiroan duten oinazea erakutsiko ditu saioak, eta abenturako azken ataleko unerik gogoangarrienak errepasatuko dituzte.

Conquistologoekin batera, Josean, Silbia, Elen, Gorka, Txurru eta Ainhoa egongo dira platoan. Humbertok imitazio berezia ekarriko du beste behin.

"El Conquis del Caribe" asteazkenetan izaten da ikusgai ETB2n eta eitb.eus-en, 22:30ean.