telebista
Jon Artanok aurkeztuta
Urteko errepasoa Aitziber Garmendiarekin, 'Hitzetik Hortzera'n
A.H.
EITB
Saioak bere ordutegia aldatu du eta larunbatetan eskainiko da eguerdiko 15:00etatik aurrera.
-
'Hitzetik Hortzera', Aitziber Garmendia. EITB
'Hitzetik Hortzera' saioak ordutegi berria estreinatuko du aste honetan eta hemendik aurrera larunbatetan eguerdiko 15:00etan ikusgai izango da ETB-1en. Urteko azkeneko saio honetan 'Hitzetik Hortzera'k 2011n izandako momenturik onenak gogoratuko ditu Aitziber Garmendia aktore eta aurkezlearen laguntzarekin.
Besteak beste, Mantxibateko koadrilen Santa Eskea, Ainhoa Agirreazaldegi, Uxue Alberdi eta Onintza Enbeitak Villabonan flamenkoz jantzita egindako bertso saioa, zein Arkaitz Oiarzabal Xamoa eta Jokin Labaien Bukowiskin izango da aste honetako 'Hitzetik Hortzera'. Horrez gain, Aitziber Garmendia gonbidatuak 1994. urteko eskolarteko bertso txapelketan egindako bertsoaldia izango da ikusgai.
