telebista
22:30ean
'Redención' filma, gaur gauean, ETB2n
EiTB
Billy Hope, bere ibilbideko unerik gorenera heldu den boxeolaria, ezbehar baten aurretik emaztearekin eta alabarekin zuen bizitza berreskuratzeko borrokatuko da Antoine Fuquak zuzendutako film honetan.
-
Jake Gyllenhaal eta Rachel McAdams 'Redención' filmean
Redención filma eskainiko du gaur gauean ETB2k. Besteak beste, Jake Gyllenhaal, Rachel McAdams, Forest Whitaker, Miguel Gomez, Naomie Harris eta Oona Laurence aktoreak ikus daitezke lan honetan Antoine Fuquaren gidaritzapean.
Filmak Billy Hope (Jake Gyllenhaal) boxeolariaren istorioa kontatzen du. Iraganean garaipen eta sari asko jaso ondoren, Maureen (Rachel McAdams) emaztearekin eta Leila (Oona Laurence) alabarekin zuen bizitza erabat aldatuko zaio eroriko bat izan ondoren. Amore eman beharrean, iraganari aurre egingo dio eta bere bizitza berreskuratzeko gogor borrokatuko da.
Ez galdu Redención filma, gaur, 22:30ean, ETB2n.
