albistea
Ostiralean
Gonzalez eta Bengoetxea VI elkarren aurka, ETB-1en
A.H.
EITB
'ETB Kantxa' saioak Hendaian jokatuko den pilota jaialdiaren berri emango du 22:00etatik aurrera.
-
Joxan Tolosa eta Xabier Euzkitze, EITB.
Ostiralean, Hendaiako pilotalekuan ospatuko den pilota jaialdiaren berri emango du 'ETB Kantxa' saioak, 22:00etatik aurrera. Hasteko, Apezetxea-Laskurain eta Olazabal-Zubieta bikoteek jokatuko dute, eta, ondoren, Gonzalez eta Bengoetxea VI.a izango dira nor baino nor gehiago, banakako txapelketan. Xabier Euzkitzek, Joxan Tolosak eta Koldo Aldalurrek egingo dute emanaldiaren gaineko kontakizuna.
Italiako Giroaren 13. etapa zuzenean
ETB-1 eguneroko jarraipena eskaintzen ari zaio Italiako Giroari eta ostiralean, 15:00etatik aurrera, lasterketaren hamahirugarren etaparekin bat egingo du, Savona eta Cervereren arteko 121 kilometroko etapa. Egunero bezala, Fermin Aramendik eta Xabier Usabiagak emango dute berri, ETB-1en, zuzenean.
