120.000 jarraitzaile Giroarentzat

Atzo amaitu zen Giroak ia 120.000 ikus-entzuleko audientzia metatua eskuratu du ETB-1en. Azken txanpak, gainera, ikus-entzule ugari bildu zituen: ostiralekoak, 150.000ko audientzia metatua izan zuen; larunbatekoak, 202.000 lagunekoa, eta, igandean, 212.000 lagunek egin zuten bat etaparekin uneren batean EAEn eta eragin esparruan.

Ostiraleko 'Ni Mas Ni menos'ek bere audientziarik onena berdindu du

Ostiraleko programazioan, Kopako finalak eragindako ikusmina nabarmena izan zen: 'Ni Más Ni Menos' saioak %15,8ko audientzia eskuratu zuen eta urte honetan lortutako audientziarik onena berdindu. Ostiraleko saioak 344.000ko audientzia metatua izan zuen.

Madrildik aurkeztu zuen Klaudio Landak 'Ni Más Ni Menos' saioa. Bertako platoan Athletic zale ezagun taldea elkarrizketatu zuen. Horrez gainera, Madrilen eta Bilbon barreiatutako berriemaile sarearekin egin zuen bat: Bibo Hirian zegoen 'Euskadi Directo'ko Reyes Prados aurkezlearekin eta Pozasen zegoen 'Euskadi Directo'ko Javi Palacios erreportariarekin. Erreportari taldea osatzeko, 'Ni Más Ni Menos' saioko Unai Etxebarria San Mamesen egon zen, Angela Arenal Plaza Berrian eta Nagore Real Vicente Calderon inguruan.

Koparen finalaren aurretik emandako gaueko 'Teleberri'k ere arreta zabala izan zuen: %20ko audientzia zatia eta 210.000 ikus-entzule. Ondorengo 'Kirolak' tarteak, berriz, %21,2ko audientzia eta 318.000 laguneko audientzia zatia izan zuen.

Igandeko pilotak eta arratsaldeko zineak, audientzia nabarmena

Bestalde, Olaizola II-Retegi Bi pilota partida audientzian buru izan zen bere ordutegian: %15,3ko audientzia eta 206.000 ikus-entzuleko audientzia metatua izan zuen.

Aipagarria, halaber, 'Siempre Cine'n emandako Sola en la penumbra filmak eskuratutako emaitza: %13,3ko audientzia zatia eta 274.000 ikuse-entzuleko audientzia metatua izan zuen.