albistea
'Lokaleroak Topaketa' saio berezia gaur ETB-3n
A.H.
EITB
'Lokaleroak' saioaren bigarren denboraldiko sari banaketa eta festa handia eskainiko da.
-
Lokaleroak sari banaketa Zornotzan
'Lokaleroak' saioak bigarren denboraldiari agur esango dio asteartean, Lokaleroen topaketaren irudiak eskainiko dituen saio bereziarekin. Denboraldiko irabazleei sariak eta topaketarako antolatutako festa handia eskainiko du ETB-3k 22:30etik aurrera.
Zornotzako jaietan antolatutako Lokaleroen topaketa honek Euskadiko lokalero guztiei zuzendutako hainbat ekintza prestatu zituen: herri kirolak, gazte bazkaria, eta zezen mekanikoa. Gainera, saioko gauzarik garrantzitsuetariko bat musika denez, ez ziren kontzertuak falta izan: Mungiako Belako taldea (Gaztea maketa lehiaketako irabazleak), Barakaldoko Herri Oihua euskal rap taldea, Bianako Smoking Hil taldea eta Irungo Uxue Urdin kantautorea.
Amaitzeko, Zornotzako Zirkinik Bez erromeriarekin dantza egin zuten hurbildutako gazte lokalero guztiek.
'Lokaleroak Topaketa' saio berezia asteartean eskainiko da 22:30etik aurrera ETB-3n.
