albistea
Gaur
Slaven Koprivnica-Athletic partida, zuzenean ETB-1en eta eitb.com-en
A.H.
EITB
Talde zuri-gorriak arratsaldeko 18:45ean jokatuko du kroaziarren kontrako itzuliko partida.
-
Joaneko partidan sartutako golaren ospakizuna. Argazkia: EFE
Gaur, Slaven Koprivnica eta Athletic-en arteko norgehiagoka jokatuko da arratsaldeko 18:45ean eta Euskal Telebistak eta eitb.com-ek zuzenean bat egingo dute Koprivnica-ko Gradski estadioan gertatuko denarekin. Europa League-rako hirugarren kanporaketa fase honetan, 3-1 irabazi zuen Athletic-ek talde kroaziarraren kontrako joaneko partida San Mamesen eta beraz, Kopricvnican lasai jokatzeko aukera izango du ostegunean. Juanan Legorburu eta Angel Garitano komentaristek egingo dute partidaren gaineko kontakizuna zuzenean ETB-1en eta eitb.com-en.
Banakako zesta txapelketa ETBK Sat-en
Bestalde, ETBK Sat kateak Hondarribian ospatutako banakako zesta txapelketako partida eskainiko du: Hernandez eta Olharanen arteko partida. Iñigo Aiestaranek eta Jabier Arkarazok emango dute partidaren berri 22:50etik aurrera.
