albistea
Euroliga
CSKA Mosku-Bartzelona Regal, zuzenean, ETB-1en eta eitb.com-en
A.A.
EITB
ETBKn 'Tribuna Gol' saio berezia egongo da Athleticen Europa Leagueko partida aztertzeko.
-
Barcelona Regal. Argazkia: EFE
Saskibaloi emankizuna osatuko dute ETB-1ek eta eitb.com-en gaur, osteguna, arratsaldeko bostetatik aurrera. Euroligako CSKA Mosku-Bartzelona Regal neurketa izango da ikusgai, Xabier de la Fuenteren eta Josean Aldalurren kontakizunarekin.
Bestalde, Athleticek Lyonen aurka jokatuko duen Europa Leagueko partidan gertatutakoa aztertzeko, Txemi Galarragak 'Tribuna Gol' saio berezia gidatuko du ETBKn 23:30etik aurrera.
Eguerdian, 13:30ean, Tarbesen jokatutako gazte mailako Munduko pilota txapelketari eskainitako tartea zabalduko dute, azkenengoz. Paleta finalaren berri emango du Koldo Aldalurrek.
Eta, amaitzeko, 22:30ean, 'Jai Alai' saioan, Foronda-Eyheragaray / Aimar-Lekerika partida izango da ikusgai, Iñigo Aiestaran eta Jabier Arkarazoren eskutik.
